Main aur meri tanhai
Aksar yeh baatein karte hain
Blogging nahi hota to kya hota?
Main aur meri tanhai
Aksar yeh baatein karte hain….
Mann ke vicharon ko shayad na milti vaacha,
Shayad baant na sakte apne vichaar
Doosron ke saath,
Mann mein shayad andhkaar hota,
Kaise badhta gyaan?
Shayad aaye na hote yeh vichaar mahaan.
Main aur meri tanhai
Aksar yeh baatein karte hain….
Jab tak suraj-chaand rahe
Blogging ki pratha kaayam rahe
Mann ko zabaan milti rahe
Jalte rahein dimaag ke diye,
Dil ka bojh ghatta rahe,
Naye dost bante rahe.
Main aur meri tanhai
Aksar yeh baatein karte hain….
Jab fursat na ho baat karne ki
Kisi ke paas,
Kisi se kahi na jaaye
Kuch baatein aisi khaas,
Office ho ya ghar ho,
Jab bhi nikalni ho dil ki bhadaas,
Tab tab blog hota hai paas.
Main aur meri tanhai
Aksar yeh baatein karte hain….
Kisi se ho ladai,
Kisi se ho pyaar,
Kisi baat se ho pareshaan,
Kisi baat se ho hairaan,
Blogging hai har samasya ka samadhaan.
Main aur meri tanhai
Aksar yeh baatein karte hain….
